Bënunì sun la plata internet dla sozietà “Park Urtijëi Srl” cun n cumëmber unic. La sozietà se da ju dantaldut cun la gestion dl “Garage Central” te la streda Stazion 1 a Urtijëi, cun la gestion dl parch dai auti “Setil” daujin ala furnadoia Urtijëi - Mont de Sëuc y cun la manutenzion dl frabicat, te chëla che ie l zënter dal tennis a Runcadic.

Garage Central

L “Garage Central” ie de puscion dl chemun de Urtijëi y la “Park Urtijëi Srl” se cruzia dla aministrazion. Plu nfurmazions dal sota l link che vën do:
Garage Central

Plaza dai auti Setil

La plaza dai auti Setil ie de puscion dl azienda de Urtijëi, l Chemun de Urtijëi a l dërt de spersa y la Park Urtijëi a la gestion. Plu nfurmazions abinen sun la plata dedicheda.
Plaza dai auti Setil

Zënter dal tennis a Runcadic

L zënter dal tennis a Runcadic te streda Arnaria 3, ie de puscion dla sozietà “Park Urtijëi Srl” y la sozietà se cruzia ënghe de la manutenzion. La gestion ie sëurandeda al “Tennis Club Urtijëi”. L zënter dal tennis ie uni ann l post ulache vën purtà ora turnoies nternaziunei de aut livel y à a despusizion ciamps dal tennis curii y alalergia che ie da pudëi adurvé dut l ann per i apasciunei dl tennis. L frabicat à mo leprò n “Fitnesscenter”, n studio per la fisioterapia, y na palestra d`arpizeda sportiva. Dedoravia dal mo n ciamp dedicà al volleyball sun l sablon (Beach - volley). Plu nfurmazions dal sota l link che vën do:
Tennis Club Urtijëi

Nfurmazions dla sozieta

L azienda ie unida metuda su ai 15/11/2000 y l sistem de aministrazion ie uni tëut su cun un n aministradëur sëul.

L chemun de Urtijëi ie l sëul mëmber y a l 100% de la pertes.
Ressumé de la cumposizion dla sozietà y autri tituleres de dërc sun azions y cuotes sozieles ai 24/03/2009.

L diagram a tëurta dessot y la tabela reprejentea na sintesa dla cumposizion dla sozietà dl azienda (la cuotes de puscion ie sumedes per tituler y per arundeda).

Cumëmber	Valor	%	Tipo de dërt
Chemun de Urtijëi 00232480210	15.000,00	100%	Puscion

Fins dla sozietà Park Urtijëi (tëut dal documënt dla majon dl cumerz de Bulsan):

L azienda cun n aministradëur sëul à plu traverc:

• a) La proietazion, costruzion y aministrazion de plazes dai auti, garajes, mplanc dal sport y plazes dai auti a paiamënt;
• b) La analisa y soluzion de problems de mubiltà, la gestion dla lueges de sosta, la costruzion y l ampliamënt de plazes dai auti n generel, leprò plazes per la roda y motores, cun sistems de ntreda y paiamënt, tecnologies a per cui tëmps, dé nfurmazions per l slesiré dl trafich te zëntri urbans/de zità;
• c) La proietazion y/o nstalazion de sistems, ënghe cun n sistem eletronich y numerich, dl regulamënt dl parchejé, leprò y sistemes a ëures per la plazes;
• d) La realisazion de sistems automatisei ntegrei, per la aministrazion dl azes y/o dl paiamënt de servijes;
• e) Jì do a duta l ativiteies che ti semea a chëles scrites su dessëura, che ie n cuntat cun chëles y che toca leprò.